Tu in Wan

Tu in Wan

Cerita Lucu  

Tu in Wan
Tukang jeruk : "Jeruk jareruk..jareruuuuuk, mangga nu bade.... jeruk Garut asli asak tina tangkalna sanes asak karbitan, dijamin keueut!"
Tukang Tahu : "Tahu..tarahu..tarahuuuuuuu, mangga nu bade...tahu Sumedang asli, curintik,karek nyat..dijamin pelem!"

Odoy : (bari culang cileng ) "Jeruk kabita hayang ngasaan, ningali tahu komo kumerot, ngan edas mun meuli dua dua teu boga jeung ongkos balik, ke.. ke...ari ieu tukang naon titatadi teu nawar nawarkeun, mang ieu icalan naon?"
Siamang : "Tahu rasa jeruk jang!"
Odoy : "Oh kaleresan atuh abdi meser sabongsang" ?? !!

Bandar Tarasi

Bandar Tarasi

Cerita Lucu  

Bandar Tarasi
Aya Aki-aki tukang dagang tarasi, balik ka Cirebon naek Beus tas dagang di Bandung.
Diuk di Beus gigireun wanoja. Ditengah jalan, si Aki teh kasarean, tibra pisan ,lila-lila sarena teh nyangeyeng kana taktak eta wanoja. Ceuk pamikirna, teu nanaon aki-aki ieuh karunya capeeun meureun. Lila-lila sarena teh beuki nyangeyeng kana dadana. Si wanoja rada reuwas, tapi ditilik-tilik teh tibra pisan. Diantep we, da karunyaeun. Saking tibrana gubrag we sarena pindah ka lahunanana. Acan ge aya dua menit sare dina lahunan si Aki ngorejat, semu reuwas

"Stop !!! Stop pinggir!!! Ari ieu teh geus tepi ka Cirebon ???" ceuk si Aki.
Si wanoja nembalan : "Tenang we Ki, kakara tepi ka Kadipaten". Si aki : Ohhh enya manawi teh tos dugi cirebon da k angseu bau tarasi!!@

Latihan Ker Lebaran

Latihan Ker Lebaran

Cerita Lucu  

Moéd keur anteng maca koran jol gabrug Néng pamajikanana nyuuh dina lahunan Moéd.
Néng : “ Aa…,Hapunten nya Néng…”
Moéd : “ Nya di hampura ku Aa…”
Néng : “ Nuhun Aaa….”
Moéd : “ Nya…,tapi ngomong-ngomong kunaon Néng teu pupuguh jol ménta hampura ka Aa..”
Néng : “ Teu nanaon A..,Néng ukur latihan keur ménta hampura engké lebaran..”

Tujuh Hal anu matak ngabatalkeun kana Puasa :

Tujuh Hal anu matak ngabatalkeun kana Puasa :

Cerita Lucu  

Tujuh Hal anu matak ngabatalkeun kana Puasa :
1. DIUK
Diuk di warung Padang tuluy mesen rendang,éta nu matak ngabatalkeun kana puasa,tapi lamun diukna ngan ukur ngobrol tuluy pesen téh manis éta gé sarua batal puasana

2. LUMPAT
Lumpat tarik pisan ngajugjug Warteg tuluy pesen téh botol éta matak ngabatalkeun puasa,komo bari tuluy pesen mie rebus mah.
3. NGALUNGKEUN DUIT KENCRING
Ngalungkeun duit kencring bisa ngabatalkeun puasa lamun pas dialungkeun ditéwak ku tukang céndol,tuluy ditukeuran ku és céndol sagelas.
4. SURA SEURI
Sura-seuri gé matak ngabatalkeun puasa lamun sura-seurina sanggeus nginum Coca cola,tuluy ngaleguk Sprite atawa Fanta.
5. NGALAMUN
Ngalamun bisa ngabatalkeun puasa lamun ngalamuna dibarengan ku ngebul haseup rokok tina baham.
6. MAEN FACEBOOK atawa BBM
Maen Facebook atawa BBM an ogé matak ngabatalkeun puasa lamun gigireun aya cikopi jeung goréng pisang haneut kénéh ditambah sabungkus Rokok,tuluy diopi.
7. HITUT
Hitut sanggeus ngadahar kulub hui bisa dikatagorikeun ngabatalkeun puasa,hitutna waé bisa ngabatalkeun Wudlu komo ngadahar kulub hui pasti batal puasana